මවක් වුනේ මම
ඇයට නොවේ පෙර
කුළුදුලේ උපන් මගෙ
දාරක ස්නේහය
ඔබටම වූ බව
ඔබටම වූ බව
නොම හැඟුනේදෝ
හිමි සඳුනේ
පියෙකු වුනා මම
ප්‍රථම වතාවට
කීවා ඔබ මා
තුටින් බදාගෙන
දුවනි අපේ මගෙ
කුස වෙත ආ දා
අමතක නැතුවා
හිමි සඳුනේ
ඉඳින් ඇයට ලොව
එළිය දකින්නට
ඔබට ඔබේ
දෝණිව දැක ගන්නට
අවැසියි නම් මගෙ
නෙතු පියවෙන්නට
කුමක් කරමි මම
හිමි සඳුනේ
සරසවි උයනේ
සොඳුරු මාවතේ
ඔබ හා ආයේ
මම ම තමා ඒ
එදා මෙදා තුර
ඔබ දුන් සෙනෙහස
අමතක නෑ මයි
හිමි සඳුනේ
සමුගන්නා විට
ඔබගෙන් මෙලෙසට
පවසමි ඔබ හට
දූ රැක ගන්නට
මටත් වඩා පෙම
මතු යම් දවසක
ඔබ වෙත දෙන්නට
හිමි සඳුනේ
___ ශාලු ___
Inspired by the movie Kuch Kuch Hota Hai (1998)
No comments:
Post a Comment