දින පොතේ පිටු අතර
අතීතය දුටුව කළ
ජීවිතේ ගත කෙරුව
ඉමිහිරිම සති දෙකක
සොඳුරුතම මතකයක්
ආය යළි කරළියට
නොහිතු ලෙස හද රැඳුනු
බැඳීම් නම් කොපමණද
පිටුවකින් පිටුව වෙත
පෙරලුවෙමි ඉදිරියට
මතකයන් පමණක්ද
හිමිව ඇත්තේ අදට
නැගෙන උණු කඳුළු කැට
තෙමයි දෙනුවන් හෙමිට
කෙලෙස හෝ මතු දිනක
කොහේ හෝ මග තොටක
හමුවුවොත් අප නැවත
නැගෙයි සිනහවක් මුවට
පැරණි මතකය සිහිව
එසේ උවහොත් එවිට
හඳුනයිද ඔබ මාව,
පුදුමවුවා විලස
අසාවිද ඔබ කවුද?
___ ශාලු ___
No comments:
Post a Comment