ලොව තනිවු යම් දිනක
සිත සදා අත දෙන්න
ඔබ පැමිණියා නොවෙද
දුක් කඳුළු පිසලන්න
අලුත් ලොව ජයගන්න
මා සිතට දිරි දෙන්න
ඔබ සිටියෙ හිරු වැන්න
ළබැඳියගේ අත රැගෙන
සල්පිල්හි ඇවිදින්න
සිනා නගමින් නිතර
පෙම් වදන් මුමුණන්න
ඔබ මැවූ ඒ සිහින
සැබෑ වන විට මෙලෙස
කොයි තරම් සතුටක්ද
මෙසේ පවසමි කෙලෙස
ඇයත් සමගින් එක්ව
මුලු ලොවම ජයගන්න
පැතු ඒ සියලු දේ
ඒ ලෙසම ලැබගන්න
මුලු හද පත්ලෙන්ම
ඔබට සුබ පතමි මම
ඔබ සතුටු වන විටක
ලොවම එය දකිනු ඇත
නමුත් යළි කිසි දිනක
දුකක් දැනෙනා විටෙක
තනිව නම් නොතැවෙන්න
අද මෙන්ම මතුවටත්
හොදම මිතුරි ව ඔබට
සිටිමි මම සදහටම
මට කියනවා නේද
ජීවිතේ දුක ද සැප
බෙදා ගත යුතුය අප
ඔබට මතකයි නේද
කිසිදාක කොහොමටත්
සිතින් එය නොහරින්න...
ලොවේ හැම සතුටක්ම
ඔබේ වේවා මිතුර...
___ ශාලු ___
No comments:
Post a Comment