හීන හිරිමල්

වැහි බිංදු සීතලයි
ඒත් දැනෙන්නෙ හරී උනුහුමට
පුංචි පුංචි බිංදු බිංදු එකින් එක
මූන පුරා වැටෙනකොට,

තෙමිල තියෙනව වැස්සට නම් මීට කලිනුත්
අද මොකද මේ අමුතුම වෙනසක්

හීන් මල් වැස්සත් එක්ක
ඉර එළියත් හෙමින් වැටෙනකොට
යායට පිපුනු වනමල් ගොමුවක ඉඳන්
කඳු අතරින් මතුවෙන පාට දේදුන්නක් හොයන්න
මොකක්ද මේ අලුත් ආසාව

පොත් කියවල මවාගත්ත හීනද
සිනමාවෙ පෙන්නපු ඒ මායාවමද
නෑ...
ඇත්තම ඇත්ත කොයිතරම් නම් වෙනස්ද
ඇයි ඉතිං අන්ධයි කියන්නෙ
මේ වගේ පුදුමාකාර අමුතුම ලෝකයක්
ඔබේ ලොවට හොරෙන් අපි දකින නිසාවත්ද...


___ ශාලු ___